श्रेष्ठ राज्यकर्ते व थोर समाजसुधारक म्हणुन समाजात सर्वत्र आदराने ज्यांचे नाव घेतले जाते ते छत्रपती राजर्षी शाहू महाराज. केवळ ऐतिहासिक व्यक्तिरेखा नव्हे तर कोणत्याही काळात प्रत्येकाने आदर्श मानावे असे त्यांचे चरित्र. त्यांचा वारसा पुढे नेण्यास अत्यंत अभिमान वाटतो. केवळ अभिमान नाही तर ही एक मोठी जबाबदारी आहे याची जाणीवही सतत मनात असते.
नुकतंच बाबांच्या पुतळ्याचं अनावरण झालं आणि पाठोपाठ दोनच दिवसात Father's day यावा हा एक योगायोग. Father's Day ही संकल्पना जरी पाश्चात्य असली, तरीही आपल्या वडिलांविषयी आपल्या भावना व्यक्त करण्याची संधी देणारा एक दिवस म्हणून याकडे पहायला निश्चितच हरकत नाही... मुलगा म्हणून त्यांनी वडिलांच्या भूमिकेतून मला जे संस्कार, जी शिकवण दिली ती तर अमूल्य आहेच,...
राजमाता जिजाऊ या अवघ्या महाराष्ट्राला वंदनीय, आदर्श माता. स्वराज्याचे स्वप्न उरी धरून त्यांनी शिवबांना घडविले. शिक्षण, न्याय, व्यवहारज्ञान, राज्यकारभार असे अनेक गुण आपल्या अपत्याच्या अंगी यावेत यासाठी त्या सतर्क राहिल्या. स्त्रीच्या खंबीर, निर्धारी रुपाचे मूर्तीमंत उदाहरण म्हणजे राजमाता जिजाबाई. प्रत्येक स्त्रीसाठी जिजाऊ आदर्श आहेत. निर्धार व योग्य पाठबळ यांच्या योगे स्त्री कोणत्याही क्षेत्रात सक्षमपणे आपला ठसा उमटवू शकते.